Një aksident me pasojë vdekjen e një shtetasi ka ndodhur gjatë orëve të mbrëmjes së të mërkurës në aksin rrugor Lushnje-Rrogozhinë.
Sipas Policisë, mjeti me targa AA 031 IH, ka përplasur për vdekje një person ende të paidentifikuar.
Viktima po tentonte të kalonte në anën tjetër të rrugës kur është përplasur nga mjeti që drejtohej nga shtetasi H. Hoxha.
Ky i fundit është vetdorëzuar në polici pas aksidentit fatal që i mori jetën një personi.
Ndërkohë, uniformat blu vijojnë punën për identifikimin e viktimës dhe zbardhjen e plotë të ngjarjes.
