Banorët e zonave të përmbytura në Shkodër disa vite më parë janë ritkhyer sërish protestave për të kërkuar nga shteti dëmshpërblimet.
Ata janë grumbulluar sot në qytetin e Shkodrës duke i bërë thirrje instancave shtetërore për shlyerjen e dëmshpërblimeve.
Ata kanë thënë se janë mashtruar nga qeveria, dhe se do të përshkallëzojnë protestat.
Kjo nuk është hera e parë që banorët e zonave të Shkodrës dhe nën-Shkodrës dalin në protesta. Madje në disa raste ata kanë bllokuar edhe rrugën nacionale që lidh Shkodrën me disa komuna.
