Sipërfaqe të tëra toke të përmbytura dhe banesa të rrethuara nga uji. Kjo është situata që paraqitet në fshatin Nartë në Vlorë, katër ditë pas reshjeve intensive.
Edhe pse shiu ka pushuar, situata në zonë vijon të mbetet problematike. Banorët shprehen se përmbytja është përvitshme, pasi mungojnë kanalizimet.
Dëmet janë të shumta, si në bujqësi ashtu edhe në blegtori. Bllokimi i kanalave dhe tejmbushja e tyre me ujë ka bërë që në zonë të vijnë edhe kafshë të ngordhura, duke rrezikuar shëndetin e banorëve.
Momentalisht, ushqimi për bagëtitë është problemi më i madh për banorët, pasi përmbytja dëmtoi gjithë bazën ushqimore.
Banorët apelojnë për ndihmë, pasi siç thonë ata, dimri sapo ka filluar.
shqiptarja.com/d.i.
