Përmbytje të mëdha në Kalabri, makinat notojnë mbi ujë

Përmbytje të mëdha në Kalabri, makinat notojnë mbi ujë

Përmbytje të mëdha gjatë natës në Kalabri, ku erërat e forta dhe shiu i rrëmbyeshëm ka goditur brigjet e detit Jon në Kozencë në zonën e Rosanos. Shiu i rënë deri në mëngjesin e sotëm, ka provokuar përmbytjen e shtëpive dhe rrugëve, ku dhjetëra makina të parkuara kanë përfunduar duke notuar mbi ujë.

Për momentin nuk sinjalizohen dëme ndaj personave, por dëmet materiale janë të mëdha. Mësohet se disa familje janë evakuuar. Një rrugë e qendrës historike të qytetit është shembur. Në Bazilikatë, qarkullimi i trenave është pezulluar në linjën Potenca-Foxhia.

Në të vërtetë situata është e rëndë për të gjithë rajonin, aq sa presidenti i Kalabrisë, Mateo Oliverio do të kërkojë gjendjen e emergjencës.Ndërkohë koha e keqe po vazhdon në orët e fundit në Itali duke goditur disa zona të jugut.