Një aksident me pasojë plagosjen e një personi ka ndodhur gjatë orëve të pasdites në aksin rrugor Librazhd-Elbasan.
Një kamion është përmbysur teksa ishte në udhëtim e sipër, ndërsa i plagosur ka mbetur drejtuesi i mjetit. Sipas të dhënave raportohet se i plagosuri, emri i të cilit nuk bëhet me dije është jashtë rrezikut për jetën.
Ndërkohë raportohet se aksidenti ka shkaktuar bllokimin e plotë të aksit rrugor Librazhd-Elbasan.
Ngjarja ka ndodhur tek vendi i njohur si Kthesa e Murrashit. Zjarrfikësit dhe policia ndodhen në vendngjarje dhe po punojnë për zhbllokimin e rrugës.
