Çështja e godinës ku prej vitesh qëndorn Partia Social Demokrate është rikthyer serish në fokus. Pas përplasjeve midis personave që prtendojnë pronësin dhe policisë afro 2 vite më parë, ende nuk është dhënë një zgjidhje përfundimtare.
Gjatë ditës së sotme përmbarimi tentoi të ekzekutojë vendimin për kthimin e godinës pronarëve, por deklaron se u pengua nga persona të panjohur dhe se policia nuk i erdhi në ndihmë. Teksa përmbarimi ka dështuar t’ia kthejë pronarëve godinën ka ardhue dhe reagimi i Ministrit të Drejtësisë Ylli Manjani.
Sipas tij kjo situatë sjell mosrespektimin e ligjit dhe fitoren e më të fortit.
“Nëse përmbarimi nuk mbështetet, vendimi nuk zbatohet, ligji shkelet, shteti përdhoset! Ligji i shtetit, në dallim nga ligjet e natyrës zbatohen për të gjithë njësoj! Nëse i forti imponohet, duke injoruar vendimet e gjykatës atëherë jemi tek ligjet e Natyrës, ku peshku i madh e ha të voglin! Prandaj kërkoj mirëkuptim që të mbështesim zbatimin e Ligjit nga Përmbarimi! “- shprehet Manjani nëpërmjet shënimit në ‘Facebook’./a.m.
