Drejtori i “Shefqet Ndroqit”, mjeku i njohur Perlat Kapisyzi, ishte i ftuar mbrëmjen e së premtes në studion e emisionit “Java në RTSH”.
Kapisyzi komentoi shtimin e infektimeve te të rinjtë teksa u shpreh se shenjat e para nuk duhen nënvlerëzuar.
“Nëse e nënvlerëson situatën, pasojat janë të rënda më pas. Nëse paraqitesh në ditën e 10 sigurisht që është vonë. Por situata është e rëndë në të gjithë botën. Të rinj kanë vdekur në mes të SHBA-ve, senatorë 40-vjeçarë. Duhet të paraqiten sa më shpejt te mjeku” – tha ai.
Kreu i spitalit ‘Shefqet Ndroqi” komentoi edhe akuzat se pacientëve nuk u lejohen celularët.
“Ne që në fillim kemi lejuar celularët, por disa media kanë hedhur baltë duke e mohuar. Kanë ardhur vetë gazetarët e më kanë thënë rri në korridor. E kanë parë me sytë e tyre që pacienti mban celular dhe sërish ka njerëz që mendojnë të kundërtën. Ajo që është e rëndësishmë është që mjekët në këtë situatë nuk janë vetëm teknicientë, por edhe i asistojnë për t’u lidhur me familjet e tyre përmes kamerave. I pyesin për familijet, komunikojnë dhe të tilla si këto” – tha Kapisyzi për “Java në RTSH”.
g.kosovari
