Që Shqipëria është një perlë turistike kjo tashmë është përsëritur disa herë nga të gjithë turistët e huaj që vizitojnë vendin tonë, duke i bërë jehonë edhe në mediat ndërkombëtare. Por këtë radhë një grup prej 7 polumbarësh të organizatës polake “TOPR Zakopane” të ardhur në Shqipëri në maj të këtij viti, kanë treguar bukuritë mahnitëse të thellësive të ujërave të Burimit të Mëmës në pikën turistike të Viroit në Gjirokastër dhe të shpellës së Skotinisë.
Grupi i zhytësve nga Polonia synonte të zbulonte enigmën e këtij burimi i cili ka ngjallur përherë kureshtjen e polumbarëve profesionistë. Me një thellësi prej 60 m ‘Burimi i Mëmës’ është pjesë e legjendave të cilat e lidhin me shpellën e Skotinisë në zonën e Dropullit të Gjirokastrës dhe Syrin e Kaltër në Sarandë.
Dhe pamjet e marrra nga polumbarët kanë qenë vërtetë mahnitëse.
