Rama dhe Basha do duhet të mbyllen përjetësisht në një dhomë nëse nuk do të gjejnë dot konsensusin. Ishte kjo metafora e ambasadorit Donald Lu, një imperativ në fakt që për Kryeministrin Rama është pritur me mjaft komizëm dhe ironi, kur gazetarët e pyetën se çfarë mendon për mesazhin e ambasadorit.
“…Ambasadori amerikan flet shqip, por mendon anglisht. Të mbyllem përjetë me Lul Bashën në një dhomë, ruajna zot. Të paktën Basha duhet të dalë, se duhet të merret vesh me Saliun. Mos u shqetëso Sali. ti rri aty në kullë dhe thuaji Lulit, bëj si të bësh kjo është prova jote e zjarrit, o me mu, o me reformën”.
“Unë ia kam bërë ftesën Lulzim Bashës, kaq shumë po e ftoj sa që nuk mbaj mend kur ka qenë hera e fundit. I kam thënë të takohemi si dy shqiptarë sy më sy. Ftesa është e hapur dhe qëndron. Nuk rrimë në negociata absurde ne një propozim në tavolinë që SHBA kanë thënë nuk e pranojmë. Por nëse ka një propozim që është mbështetur nga SHBA dhe BE do ta miratojmë.”- deklaroi kryeministri.
Në lidhje me qëndrimet e “dyshimta” të LSI për reformën në drejtësi, të cilat ditët e fundit janë dukur më afër me ato të opozitës sesa të maxhorancës, Rama tha:
“Me kryetarin e kuvendit dhe kreun e LSI kemi folur dhe nuk kam parë ndonjë lajm. Ai e ka për detyrë, perverse për natyrë që të predikojë konsensusin me PD. Rëndësi ka që ato 20 vota janë për reformën, kjo ka rëndësi, deri tani”- deklaroi Rama./java/a.k
