Kreyeministri Edi Rama ka reaguar pas vendimit të Byrosë për përjashtimin e ministrit Ditmir Bushati për 10 ditë nga Kuvendi.
Rama shkruan se pavarësisht se ministri reagoi instiktivisht ndaj një agresioni të shëmtuar dhe kërkoi ndjesë publike, ai u ndëshkua sepse rregullat janë njësoj për të gjithë.
“Ditmir Bushati reagoi sot instinktivisht ndaj nje agresioni të shëmtuar dhe gaboi!Kërkoi ndjesë publike e prapëseprapë u ndëshkua. Sepse për ne rregullat vlejnë njësoj për të gjithë dhe NE NUK JEMI NJESOJ SI ATA që jo vetëm s’e njohin ndjesën, po janë krenarë për shëmtitë e tyre!“, shkruan Rama në facebook.
Ministri Bushati u përjashtua, pasi pas sulmit të opozitës reagoi duke hedhur ujë në drejtim të deputetëve demokratë dhe të LSI. Edhe pse kërkoi falje, kryetari i Kuvendit Ruçi kërkoi përjashtimin e tij nga punimet e Kuvendit për 10 ditë dhe kërkesa u miratua në Byro pasditen e sotme
javanews.al/a.ç
