Përhapja e shpejtë e virusit Zika ka nxitur qeverinë e El Salvadorit për të nxitur gratë të mos mbesin shtatzënë deri në dy vitet e ardhshme. Organizata Botërore e Shëndetësisë thotë se në të paktën 20 vende të rajonit, duke përfshirë Barbados, Bolivinë, Guatemalan, Porto Rikon dhe Panaman, janë regjistruar shumë transmetime të këtij virusi. Megjithatë, virusi Zika është dokumentuar në vitin 1940. Ky virus filloi sulmin e tij në Amerikën Latine në muajt e fundit. Vendi që është goditur më së keqi nga ky virus, është Brazili, ku më shumë se 1 milion njerëz mbetën të prekur nga ky virus.
Në katër muajt e fundit, autoritetet kanë marrë raporte të afro 4 mijë rasteve në të cilat Zika mund të ketë shkaktuar pasoja tek të sapolindurit. Rezultatet kanë treguar se të sapolindurit, nuk janë zhvilluar normalisht në kokë, në pjesën e trurit. Qendrat për Kontrollin dhe Parandalimin e Sëmundjeve në SHBA, raporton se deri më tani nuk ka vaksinë për parandalimin e këtij virusi.
Zika është përhapur nga dy lloje të mushkonjave Aedes, të cilat bartin ethe në trupin e njeriut. Përveç kësaj simptome, tek një i rritur, ky virus manifestohet me temperaturë të lehtë, skuqje dhe dhimbje në nyje dhe prapa syve, shkruan Washington Post.
