“Përgjimet u bënë për shantazh”, Rama: Ndërmarrja kriminale do ta marrë përgjigjen në 30 Qershor

Kryeministri Edi Rama ka komentuar përmes rrjetev sociale përgjimet e reja të ‘Bild’.

Kreu i qeverisë shkruan se bëhet fjalë për ‘zbulime gjermane’ që PD i ka ruajtur për të bllokuar negociatat.

Rama vijon thirrjen ndaj organit të akuzës teksa kërkon hetim mbi daljen e materialeve si dhe të provohet fajësia.

Postim i Ramës në Twitter:

Përgjimet e pahetuara të shërbëtorit të Saliut tregojnë përsëri se u bënë për shantazh, jo për drejtësi! Dhe u mbajtën tek partia për këtë ditë të zezë, kur duhet sulmuar Shqipëria me “zbulime gjermane”, për të bllokuar negociatat dhe ndaluar drejtësinë që vjen me kapitujt 23/24.

Nxis prokurorinë të vijojë intensivisht hetimet për të nxjerrë deri në fund ku mbarojnë llafet dhe ku dalin prova fajësie para ligjit, nëse ka të tilla.

Por sidoqoftë, kjo ndërmarrje kriminale për të helmuar dynjanë, do ta marrë përgjigjen e merituar në 30 qershor e më tej akoma!