Menjëherë pas vendimit të Gjykatës së Tiranës, edhe Italia ka bërë lëvizjet e saj mesa duket në funksion të hetimeve të nisura nga Prokuroria për pajisjen IMSI Catcher.
Shefi i Misionit Interforce në Tiranë, Michele Grillo është tërhequr nga detyra në Shqipëri, ndërkohë që nuk konfirmohet nëse ai është i shkarkuar nga ky post dhe kush do ta zëvendësojë atë.
Grillo u përmend nga mediat italiane pas publikimit të dyshimeve për aktivitetin e IMSI Catcher në Shqipëri si një ndër njerëzit që kishte ndërhyrë për ta sjellë këtë pajisje në Shqipëri raporton Tch.
Gjatë javës së kaluar ambasadori italian ishte në një takim me Prokurorin e Përgjithshëm, Adriatik Llalla, i cili e informoi atë se Prokuroria nuk po zhvillon hetime ndaj zyrtarëve apo punonjësve të Interforcës./a.m.
