“E dimë që shërbimet sekrete ruse kanë hakeruar Komitetin Kombëtar demokrat dhe e dimë që kanë organizuar përhapjen e shumë ‘e-mail’-eve”.
HIllary Clinton foli qartë në një intervistë për “Fox News”, duke akuzuar Moskën për ndërhyrjen kibernetike në sistemin ifformatik të fushatës së saj elektorale. Në shënjestër të kandidates për presidente të SHBA, edhe sfidanti i saj, Donald Trum, i akuzuar se i ka dhënë mbështetje presidentit Putin.
Por akuzat e ish-“Zonjës së Parë”, janë kundërshtuar nga Moska, duke i cilësuar “skandaloze” dhe “ofensive”. Kështu shprehet ambasadori Andrei Krutitskikh, përfaqësuesi special i Putinit për bashkëpunimin ndërkombëtar dhe sigurinë informatike, shkruan shqip. “Mendoj se është thjesht skandaloze, – ka thënë diplomati, – është një shenjë dobësie të arrish në këto lloj argumentesh. Pozicioni im, është i bazuar mbi faktin që amerikanët nuk kanë përfaqësuar dhe nuk paraqesin asnjë ankesë zyrtare”.
Zëdhënësi i fushatës elektorale të Hillary-t, Nick Merill, ka pohuar që nga verifikimet e bëra deri më tani, nuk kanë dalë të dhëna që sistemi i brendshëm i fushatës është vënë në rrezik dhe nuk ka të dhëna nëse hakerat kanë arritur në një program të vlefshëm për të bërë analiza elektorale. Sipas tij, të dhënat nuk përmbajnë informacioneve të pakta apo personale apo financiare mbi zgjedhësit, mbështetësit, ose financuesit./a.k
