Skandali i përgjimeve në Gjermani, ku shërbimi sekret gjerman ka ndimuar atë amerikan, nuk po e lë kancelaren Angela Merkel të bëj gjumin rehat. Për këtë skandal duket se Merkel do të dëshmojë para komisionit hetimor. “Nëse parlamenti dhe komisioni hetimor e ftojnë kancelaren, atëherë ajo do të shkojë patjetër atje,” tha zëdhënësi i qeverisë Steffen Seibert. Në komentin e saj të parë publik mbi çështjen e shërbimeve të fshehta Merkeli i mori ato në mbrojtje.
“Qeveria federale do të bëjë gjithçka për t’i mbështetur autoritetet për ruajtjen e sigurisë publike. Për këtë ato duhet të bashkëpunojnë edhe me agjencitë e tjera të shërbimeve sekrete – veçanërisht me NSA-në”, theksoi kancelarja gjermane.
Një javë më parë u bënë të njohura akuzat, sipas së cilave shërbimi sekret gjerman ka ndihmuar atë amerikan për rreth 11 vjet për përgjimin e kompanive dhe të politikanëve evropianë. Ajo që i shqetëson më shumë politikanët gjerman janë nëse shërbimi serkret gjerman, i njohur ndryshe si BND-ja ka spiunuar sipërmarrjet europiane, duke i bërë kështu disa favore ekonomisë amerikane.
Redaksia Online
(JavaNews.al)
