Drejtuesja e Prokurorisë së Krimeve të rënda solli sot detaje nga hetimi i Dosjes 339 ndersa tha se bëhet fjalë për mbi 700 materiale përgjimesh në formën e CD-ve dhe DVD-ve.
Donika Prela la të nënkuptohet se transkriptimi i materialeve është bërë në mënyrë selektive.
Sipas Prelës, kjo është dosja më e madhe që ka pasur ndonjëherë nën hetim organi i akuzës.
“Referuar informacionit që më është në dispozicion nga prokurorët e çështjes, të gjitha CD-të kanë qenë të pa transkriptuara.
Ka pasur disa transkriptime të pjesshme. Janë kryer veprime hetimor vetëm për kultivim narkotikësh dhe abuzim me pronat në qarkun e Lezhës.
Nuk ka pasur hetime të hapur për veprat e tjera, me përjashtim të përgjimeve. Duke parë rëndësinë e madhe dhe numrin e madh të personave nën hetim pritet të rritet. Kjo është dosja më e madhe e hetuar ndonjëherë” – u shpreh sot Prela para gazetarëve.
/a.rada
