Sali Berisha kë Kuvend ka vijuar lumin e tij të akuzave ndaj mazhorancës. Duke u ndalur tek ligji për Arsimin e Lartë, Berisha tha se ky projektligj është një atentat ndaj universiteteve publike duke favorizuar universitetet private.
“Sot në mëngjes ndodhi atentati i radhës ndaj këtij institucioni, i turpshëm në të cilën kreu i qeverisë urdhëroi parlamentin të fusë në rend dite jashtë të gjitha kritereve ligjin e mega aferës së tij të korrupsionit, ligjin e arsimit. U nisa për të ardhur në parlament me ato përgatitje që duhen dhe u informova se ky ligj do futet sot në rend të ditës në një kohë kur në komisionin e ligjeve nuk është thirrur asnjë grup interesi apo profesor universiteti për tu pyetur, ekspertët ndërkombëtare e shpallin anti-evropian ligjin. Pse ky vrap me ligjin? Se janë marrë për çdo doktoratë nga universitet private 8 mijë euro të ndara përgjysmë. Nuk mund ta mendoja se babëzia juaj arrin deri aty sa t’i hiqni doktoraturën universitetit publik. Unë kam qenë avokati juaj kur ju sulmonin, por nuk mund të imagjinoja që t’u heq doktoratat universiteteve publike t’jua jepja ju. Këtë e bën një njeri që ka për kulturë vetëm bojërat. Këtë nuk mund ta bëjë kurrë një njeri me arsim qoftë edhe të mesëm por solid. Dhe prandaj ligji duhet të vinte në kundërshtim me çdo praktikë këtu të futej në rend të ditës pabesisht kur komisioni kishte diskutuar vetëm 18 nene. Ky është një turp kombëtar është një babëzi e paimagjinueshme. Është një atentat. Me ndërhyrje të tjera është zgjidhur ky problem, për t’u shtyrë deri të martën. Kaq i fuqishëm është korrupsioni saqë të vërsulen në këtë mënyrë në një ligj që është fund e krye anti-evropian, ligj që i mbyll dyert të varfërve të këtij vendi, shtetëzon universitetet private”, u shpreh Berisha.
Më pas ai është ndalur edhe te çështja e përgjimeve. Sipas tij, qeveria kërkon të ketë aparatura sa më moderne përgjimi, për të përgjuar qytetarët. Berisha tha se një ministër është përgjuar kur ka qenë në Itali, teksa merrte në telefon prostituta.
“Ministri u nis në Itali dhe u telefononte prostitutave, më dil këtu, më dil aty. Ata si ndjekin, por i çojnë te kryetari i parlamentit dhe kryetari i qeverisë dhe u dalin të zezat sterrë”, tha Berisha.
