Një ceremoni mortore është kthyer në një ‘arenë lufte’ në Londër. Mediat britanike raportojnë për të shtëna armësh në kohën që në një zonë në veri të Londrës po zhvillohej një ceremoni mortore.
Për pasojë, tre gra dhe një vajzë shtatëvjeçare u plagosën. Policia Metropolitane bën me dije se të katërta ishin në ambientet e jashtme të kishës St Aloysius në rrugën Phoenix përballë stacionit të trenit Euston rreth orës 14:00, kur u qëlluan.
Sipas The Guardian, të treja gratë, të moshave 48, 54 dhe 41 vjeçe u dërguan në spital ku po marrin ndihmën e nevjshme mjekësore, ndërsa 7-vjeçarja është në terapi intensive. Nuk dihen ende identietet e personave të përfshirë në këtë ngjarje.
Në zonën ku ndodhi ngjarja, ka prani të shumtë policore ndërkohë që ende nuk dihen shkqet e një sulmi të tillë. Asnjë person nuk është arrestuar deri më tani. /m.j
