Një person ka humbur jetën dhe një tjetër është plagosur rëndë pas të shtënave me armë zjarri në një nga zonat më të njohura të Kalifornisë.
Incidenti ndodhi në Sheshin San Pedro, një pikë e njohur grumbullimi në Zonën e Gjirit të San Franciskos, e cila gjatë Kupës së Botës kishte pritur edhe aktivitete të “zonës së tifozëve”.
Autoritetet sqaruan se në momentin e incidentit nuk po transmetohej asnjë ndeshje e Kupës së Botës, pasi sfida e vetme e së dielës kishte përfunduar rreth orës 14:00 me kohën lokale.
Zonës së Gjirit të San Franciskos i ishin besuar deri tani pesë ndeshje të Kupës së Botës, ndërsa aktiviteti i fundit futbollistik në këtë zonë ishte zhvilluar më 24 qershor, me përballjen mes Bosnjës dhe bashkëorganizatorëve të turneut, Shteteve të Bashkuara.
Policia ka nisur hetimet për zbardhjen e rrethanave të ngjarjes dhe identifikimin e autorit.
