Ajo që po ndodh në Filipine nuk është parë e dëgjuar ndonjëherë në botën moderne.
Rrugët janë kthyer në varreza të hapura teksa prej disa javësh ka nisur gjuetia ndaj të droguarve.
Presidenti i Filipinieve, Rodrigo Duterte i ardhur në pushtet pak muaj më parë, kërkoi eliminimin fizik të përdoruesve të drogës duke premtuar shpërblime për policët.
Në një televizion të Filipineve, presidenti i këtij vendit Rodrigo Duterte në qershor iu kishte thënë qytetarëve: “Nëse një kriminel iu lufton, ju mund ta vrisni atë…Ndjehuni të lirë të na thërrisni ne, policinë, apo bëjeni vetë nëse keni një revole, ju keni mbështetjen time.”
Presidenti Rodrigo Duterte kishte premtuar gjatë fushatës zgjedhore se do ta stabilizonte vendin brenda gjatë muajsh dhe ta çlironte nga trafikantët e drogës. Ai kishte premtuar se do t’i eliminonte fizikisht të gjithë ata dilerë të drogës, që në këtë vend janë bërë shqetësimi kryesor prej kohësh.
Sipas një liste të personave të vrarë të publikuar nga The Philippine Daily Inquirer, nga 30 qershor i këtij viti, ku u inaugurua presidenti Duterte, deri me 1 gusht, janë vrarë 465 trafikant nga policia dhe fshatarët.
Policia filipinase ka deklaruar se së paku 239 të dyshuar janë vrarë që në tri javët e para pas inaugurimit të presidentit Duterte, raporton CNN, përgatitur nga Zëri. (b.an)
