Në Kosovë, përkatësisht në Qendrën e Numërimit dhe Rezultateve kanë arritur mbi 1 milionë e 752 mijë fletëvotime për zgjedhjet e përgjithshme të 9 shkurtit.
Ndërsa, edhe në përfaqësitë diplomatike ku më 8 shkurt emigrantet do të mund të ushtrojnë të drejtën e tyre për të votuar jane dërguar mbi 21 mijë fletëvotime.
Kështu ka njoftuar zëdhënësi i Komisionit Qendror të Zgjedhjeve, Valmir Elezi.
Bazuar në Listën e Votuesve të certifikuar nga Komisioni Qendror i Zgjedhjeve numri i shtetasve të Kosovës me të drejtë vote është 2 milionë e 75 mijë e 868 votues, prej të cilëve 1 milion e 970 mijë 944 votues janë votues që i takojnë Listës Votuese brenda Kosovës dhe 104 mijë 924 votues janë pjesë e Listës Votuese jashtë Kosovës.
Ndërsa në orët e fundit te se martes ne Komisionin Qendror të Zgjedhjeve kanë arritur edhe dërgesat e para me fletëvotime nga diaspora të cilët kanë zgjedhur të votojnë me postë.
Sipas Elezit ato janë në vend të sigurt dhe do te numërohen pas ditës së zgjedhjeve.
“Gjatë mbrëmjes së kaluar në KQZ në një hapësirë të veçantë të sigurt e cila ruhet 24 orë nga Policia e Kosovës kanë ardhur dërgesat e para të fletëvotimeve jashtë Kosovës të cilat janë pjesë e votimit përmes postës dhe këto pako me fletëvotime fillimisht do t’i nënshtrohen procesit të vlerësimit më pas në një fazë të mëvonshme pas ditës së zgjedhjeve pas disa procedurave do të numërohen në Qendrën e Numërimit dhe Rezultateve.”, deklaroi zëdhënësi i KQZ, Valmir Elezi.
Më 9 shkurt do të mbahen zgjedhjet e përgjithshme në Kosovës. Ndërsa, fushata zgjedhore ka filluar më 11 janar.
