Ka përfunduar takimi i thirrur nga Kryeparlamentari Kadri Veseli me përfaqësuesit e Grupeve Parlamentare për të diskutuar për Gjykatën Speciale.
Opozita vazhdon me qëndrimin e tyre duke refuzuar Specialen. Pas takimit, deputetja Albulena Haxhiu nga LVV, tha se partitë opozitare kanë ripërsëritur qëndrimin e tyre në lidhje me Specialen.
Ajo ka shtuar se partitë e opozitës janë të gatshme për një konsensus, ku do të vendosej për një gjykatë brenda sistemit vendor të drejtësisë, një gjykatë jo vetëm për shqiptarët por për të gjitha krimet e luftës në Kosovë.
Haxhiu ka thënë se VV njëlloj si edhe partitë e opozitës AAK e Nisma mendojnë që Qeveria nuk ka të drejtë ta ri procedojë në Kuvend një amendament që deputetët e kanë hedhur poshtë. Sipas saj, ri procedimi nënkupton presion dhe dhunë mbi deputetët.
