Forcat e sigurisë i kanë dhënë fund pengmarrjes në hotelin Radisson Blu në Bamako të Malit, ku ishin bllokuar nga terroristët 170 persona.
Sipas raportimeve të autoritetev vendase bëhet me dije se xhihadistët kanë vrarë të paktën 18 persona që ishin akomoduar në hotel. Midis viktimave është edhe diplomati belg Xhefri Dieudonne. Ndërkohë sipas agjencisë Reuters që citon paqruajtësit e OKB deri tani numri i viktimave të numëruara është 27. Numri i të vdekurve ka gjasa që të rritet orët në vijim.
Sipas të dhënave, 170 persona ishin bllokuar nga xhihadistët brenda hotelit luksoz në Bamako.
Mësohet se të paktën 10 xhihadistë morën pjesë në këtë sulm.
Parapraksiht bëhet me dije se 3 prej terroristëve janë ekzekutuar nga forcat e sigurisë, ndërsa nuk jepet informacion për personat e tjerë të armatosur.
Autorësinë për sulmin e ka marë grupi terrorist Al-Mourabitoun, i cili njihet për lidhjen e tij me Al-Kaedan.
Kush është grupi terrorist Al- Mourabitoun
Ky grup është aktiv përgjatë pjesës veriore të Afrikës si dhe në Sahel, dhe është i drejtuar nga një militant algjerian i quajtur Mokhtar Belmokhtar.
Belmokhtar është mjaft i njohur, pas sulmit dhe pengmarrjes që ka kryer në një ndërmarrje gazi në Algjeri, në janar të vitit 2013, ku vrau 40 vetë he mori peng rreth 800 persona.
Grupi Al-Mourabitoun nuk ka komentuar për sulmet e Parisit, ndaj dhe është ende herët që të thuhet se dy ngjarjet kanë lidhje mes tyre.
(Mokhtar Belmokhtar humbi një sy gjatë luftës së tij me trupat alegjeriane në vitet 90’)
