Kanë përfunduar hetimet për çiftin shqiptar që u gjet i vdekur pranë pallatit ku banonin në New York. Sipas hetuesve, 28-vjeçarja Ornela Shehi ka pësuar traumë të fortë. Ajo është qëlluar në kokë nga bashkëshorti i saj, Florind Belliu, 35 vjeç para se të hidhej nga ndërtesa.
Pasi gruaja shtatzënë kreu aktin ekstrem, edhe Florind Belliu u hodh nga kati i gjashtë i banesës. Kjo vërteton se kemi të bëjnë me vetëvrasje të dyfishtë me paramendim të çiftit shqiptar. Vdekja e çiftit tronditi banorët e Pelham Parkway. Rreth orës 9 të mëngjesit të 7 gushtit, policia gjeti trupat e një burri dhe një gruaje në pjesën e pasme të 2199 Cruger Avenue.
Në momentin e vdekjes një banore në pallat, e cila në atë kohë ndodhej në banesën e saj, kujton: “Dëgjova një zhurmë, ishte e tmerrshme. E dëgjova kur u hodhën, e dëgjova. Mendova se ishte diçka e madhe.” Një grua që kryente testimin e COVID-19 pranë banesës së çiftit tha: “Po dëgjoja të bërtiturat për një për një kohë të gjatë, sepse po qëndroja aty pranë stacionit të trenit.”
Dëshmitarja tha se dëgjoi një “goditje” të fortë, përpara se të mbërrinte policia dhe u shokua kur mësoi se çifti kishte rënë nga ballkoni. Ngjarja ndodhi më 7 gusht në New York, ku çifti u gjet i vdekur poshtë ballkonit në oborrin e shtëpisë ku banonin në New York. Çifti kishte dy fëmijë, 6 dhe 2 vjeç.
/e.d
