Prokuroria e Vlorës ka përfunduar hetimin dhe ka dërguar për gjykim kërkesën për Kreun e Bashkisë së Vlorës Shpëtim Gjika dhe tre zyrtarëve të qytetit bregdetar.
Sipas organit të akuzës, Gjika akuzohet për kryerjen e veprës penale të “Falsifikimit të dokumenteve” të kryer nga personi që ka për detyrë të lëshojë dokumentin, të kryer shtatë herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim dhe “Veprime që pengojnë zbulimin e së vërtetës”.
Ndërkohë Artur Haxhi, akuzohet për veprën penale të “Falsifikimit të dokumenteve” të kryer në bashkëpunim dhe më shumë se një herë dhe “Ndërtimi i paligjshëm” në tokën e tjetrit dhe në tokën shtetërore, të kryer në bashkëpunim. Edhe shtetësja Doriana Behari (Sulaj) është dërguar në gjykatë për kryerjen e veprës penale të “Falsifikimit të dokumenteve” të kryer nga personi që ka për detyrë të lëshojë dokumentin, të kryer katër herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim.
Në gjykatë shkon edhe Ridvan Mersinaj i akzuzuar për kryerjen e veprës penale të “Falsifikimit të dokumenteve” dhe “Pastrimi i produkteve të veprës penale ose veprimtarisë kriminale.
