Një makinë është përfshirë nga zjarri ditën e sotme në afërsi të shkollës “Naim Frashëri” në qytetin e Fierit. Mësohet se fillimisht ka marrë flakë motori i makinës, ndërkohë që nuk dihet ende shkaku i ngjarjes.
Në momentin e zjarrit nuk ka patur njerëz dhe nuk ka të lënduar. Ndërkaq, reparti i zjarrfikësve është njoftuar dhe ka shkuar në vendin e ngjarjes.
Pas mbërritjes në vendngjarje, makina është fikur nga zjarfikësit, duke shmangur përhapjen e zjarrit në objektet e tjera në afërsi të tij. /e.s/
