Përfaqësuesja e OSBE për Lirinë e Medias, Dunja Mijatoviç, tha se Shqipëria duhet të refuzojë draftin e qeverisë në lidhje me burgosjen për shpifje ndaj zyrtarëve të lartë, duke shtuar se vendi duhet të kryejë dekriminalizimin e plotë.
“Sanksionet penale për shpifje ose deflamacion janë të tepërta dhe disproporcionale. Ato duhet të zëvendësohen nga mjete efektive dhe të përshtatshme të drejtës civile ose administrative. U bëj thirrje anëtarëve të parlamentit të refuzojnë propozimin e ri dhe të konsiderojnë shfuqizimin për shpifjen” tha Mijatoviç.
Përfaqësuesi i OSBE-së për Lirinë e Medias përcjell zhvillimet e mediave në 57 shtetet pjesëmarrëse të OSBE-së. Ajo jep paralajmërim të hershëm për shkelje të lirisë së shprehjes dhe lirisë së medias dhe promovon pajtueshmëri të plotë me angazhimet e OSBE-së për lirinë e mediave.
