Real Madridi po e konsideron një ofertë për Mohamed Salah, nëse do të dështojë në përpjekjet për të nënshkruar me Eden Hazard, i cili është objektivi kryesor i Zinedine Zidane dhe të bardhëve për merkaton e kësaj vere.
Belgu konisderohet si ylli, që mund ta mbushë boshllëkun e lënë nga largimi i CR7, sipas mediave spanjolle.
Megjithatë, kjo pistë nuk jep shumë siguri, sepse Chelsea po bën gjithçka që ta mbajë numrin e vet 10, duke i ofruar shifra të çmendura financiare për të rinovuar.
Sidoqoftë, Florentino Perez nuk ka ndërmend të dorëzohet, pa i lëvizur të gjithë gurët në këtë drejtim.
Presidenti i “Los Blancos” ka gati edhe planin B, teksa është i përgatitur të shpenzojë 150 milionë euro për Salah, nëse gjigantët e “Santiago Bernabeu” dështojnë të marrin belgun e Chelsea.
