Presidenti i Real Madridit, Florentino Pérez ka folur sot para delegateve te Realit për tema të ndryshme, duke përfshirë largimin e Cristiano Ronaldos. Gjatë nje takimi presidenti i “Los Blancos” zbuloi arsyen se pse pranoi ta ulte shumëfish klauzolën e largimit të Cristiano Ronaldos dhe pastaj shitjen e tij të mëvonshme te Juventusi.
Presidenti i Real Madridit shpjegoi gjithçka që ndodhi në marshimin e Cristiano Ronaldos drejt kampionëve të Italisë dhe zbuloi arsyen pse u detyrua të ulte klauzolën e tij të largimit: “Klauzolat që Real Madridi iu vendos lojtarëve të tij janë për ata që paguajnë“, – tha Florentino Pérez para delegatëve të Real Madridit, duke lënë të kuptohet se nuk afrohej asnjë klub për sa ia kishte vënë çmimin yllit portugez.
Shitja më e shtrenjtë e këtij viti ka qenë ajo e Cristianos. Kur të gjithë besuam se gjëja më e mirë ishte ajo që ndodhi, ne arritëm një marrëveshje, – vazhdoi më tej Pérez. – Për të nuk na dha askush më shumë se 100 milionë euro. Pra, oferta e Juventusit ishte më e mira financiarisht. Ai donte të largohej, ndërsa ne nuk kemi pasur shumë oferta”.
ma.me
