Emri dhe fotografia e të dashurës së Vladimir Putinit janë zhdukur nga faqja e internetit e perandorisë mediatike që ajo kontrollon.
Alina Kabaeva, 38 vjeç, ishte e shquar në seksionin e Bordit të Drejtorëve të Grupit Kombëtar të Medias (NMG), por është zhdukur papritur, mes frikës së sanksioneve perëndimore.
Ky veprim vjen në një kohë kur Perëndimi po përgatit sanknksionet kundër vajzave të Putinit dhe teksa lideri i burgosur i opozitës Alexei Navalny po kërkon veprim perëndimor kundër ‘medias propagandistike’ të fuqishme të Kremlinit.
Navalny veçoi televizionin dhe grupin e gazetave të Kabaeva se janë në pronësi personalisht të presidentit Putin. Paga e të dashurës së Putin është vlerësuar në pothuajse 8 milionë paund në vit.
“Dua t’ju kujtoj se Grupi i Medias Kombëtare, i cili zotëron pjesën e luanit të këtij aparati të gënjeshtrave, padyshim i përket personalisht Putinit dhe si i tillë drejtohet zyrtarisht nga zonja e Putinit, Alina Kabaeva”, shkroi Navalny nga burgu.
Media ruse nuk dha asnjë shpjegim pë zhdukjen e fotos së 38, ku ajo pozonte me një xhaketë, së bashku me pjesën tjetër të seksionit të drejtorëve.
Kabaeva mbante postin e kryetares së bordit që nga viti 2014, pavarësisht se nuk kishte përvojë të mëparshme mediatike apo biznesi.
I pari që kërkoi sanksionimin e medias pro Kremlinit ishte Navalny: “Duhen marrë masat më vendimtare për të vështirësuar punën e këtyre trashëgimtarëve të Goebbels, nga ndalimi i plotë i furnizimit dhe mirëmbajtjes së pajisjeve, deri te kërkimi i aseteve të tyre në Perëndim dhe “listat e zeza” të vizave”, tha ai.
/b.h
