Ministri i emigrantëve në Greqi ka bërë një gafë të madhe, në një deklaratë për televizionin “Skai”. Giannis Muzalas ka përdurër fjalën “Maqedoni” duke i referuar shtetit fqinj, diçka që ka krijuar reagime të ashpra të popullit grek, por edhe të qeverisë.
Madje, Ministri i Mbrojtjes, Panos Kamenos ka kërkuar shkarkimin e tij për këtë gafë pavarsisht se Muzalas ka kërkuar falje nga populli grek. Ministri i Mbrojtjes ka thënë se “nuk mjafton një “më falni” për këtë gafë, ai duhet të japë dorëheqjen”.
Gjithashtu, edhe qeveria greke nuk është e kënaqur pas gafës së Ministrit të emigrantëve dhe pret nga ai të japë dorëheqjen ditën e sotme. Grekët nuk e përdorin këtë fjalë kur i referohen shtetit maqedonas për shkak se ata e konsiderojnë si një pjesë të Greqisë.
