Bëj mirë dhe mirë do të gjesh. Kjo shprehje vlen për një të pastrehë, i cili ndihmoi një vajzë që kishte mbetur e vetme në orët e natës në një stacion. Nicole Sedgebeer, humbi trenin nga Londra për në Milton Keynes.
Duke e parë dëshpërimin e vajzës bjonde, i pastrehu i afrohet dhe i propozon që të ulet në një kafene që ishte 24 orë hapur, duke i premtuar se do të vinte në mëngjes për ta marrë.
Ai quhej Mark dhe në orët e para të mëngjesit, burri u shfaq në derën e lokalit, e mori 21-vjeçaren dhe e shoqëroi deri tek stacioni i trenit.
E prekur nga ky veprim, Nicole e rrëfeu ngjarjen në rrjetet sociale dhe nga aty ndërmori nismën për të grumbulluar para për të pastrehët.
Në vetëm 3 ditë, ajo grumbulloi 10 mijë paund, nga të cilat pjesa më e madhe do të shkojnë për Markun.
Ky rast tregon se ndonjëherë nxitohemi dhe i gjykojmë njerëzit nga pamja e jashtme, si kopertinën e një libri, por të tillë shembuj shërbejnë për të ndryshuar mendimet që kemi për njerëzit.
jetaoshqef.al
