Substancat e ndaluara në botën e sportit, e njohur ndryshe si doping ka dërguar në pranga 9 persona. Arrestimet janë kryer gjatë një bastisje të policisë në Austri dhe në Gjermaninë fqinjë si pjesë e një sulmi të kombinuar që synonte të godiste një rrjet që vepronte në mbarë botën.
Mes të arrestuarve janë pesë skiatorë që përfaqësojnë Austrinë, Kazakistanin dhe Estoninë, të cilët aktualisht ishin duke garuar në kampionatin botëror të skive nordike në vendpushimin austriak të Seefeld. Së bashku me pesë skiatorë, katër persona të tjerë u arrestuan gjithashtu nga policia, emrat e të cilëve ende nuk janë zbuluar.
Pavarësisht nga njoftimet zyrtare, dy nga pesë skiatorët e arrestuar në Austri janë Alexey Poltoranin nga Kazakistani dhe Andreas Veerpalu i Estonisë, biri i legjendës së skive estoneze dhe dy herë kampioni olimpik Andrus Veerpalu.
“Grupi kriminal me bazë në Erfurt është dyshuar për dhënien e substanca të ndaluara te sportistët elitarë për vite me radhë për të rritur performancën e tyre në garat vendore dhe ndërkombëtare, duke fituar kështu të ardhura të paligjshme.
“Atletët e arrestuar janë dy austriakë, një kazak dhe dy atletë estonezë. Ndër të paraburgosurit janë edhe dy pjesëtarë të stafit .”-thuhet në deklaratën e policisë austriake.
Vitin e kaluar, policia austriake gjithashtu ka kryer bastisje në selinë e Unionit Ndërkombëtar të Biatlonit (IBU) në Salzburg dhe i pyeti anëtarët e ekipit rus që konkurronin në Austri në lidhje me manipulimet e dopingut të dyshuara gjatë Kampionatit Botëror 2017.
Marrja e barnave të ndaluara për përforcimin e performancës është një krim i rëndë në Austri, ku atletët mund të dënohen me tre vjet burg nëse shpallen fajtorë.
E.Xh./
