Një oficer i Policisë Metropolitane, i cili përdori pozicionin e tij për të vënë frikë tek gratë ka pranuar dhjetëra përdhunime dhe vepra seksuale ndaj 12 grave.
David Carrick, 48 vjeç i cili takoi disa viktima përmes uebsajteve të takimeve u deklarua fajtor për 49 vepra, përfshirë 24 përdhunime, gjatë dy dekadave.
Met ka kërkuar falje pasi doli se ai kishte rënë në vëmendjen e policisë për nëntë incidente, përfshirë akuzat për përdhunim, midis 2000 dhe 2021.
Carrick u pezullua nga detyra kur u arrestua në tetor 2021.
Kryetari i Bashkisë së Londrës, Sadiq Khan, tha se ishte “absolutisht i sëmurë dhe i tmerruar” nga krimet e Carrick.
Ai tha se “duhet përgjigjur pyetjeve serioze se si ai ishte në gjendje të abuzonte me pozitën e tij si oficer në këtë mënyrë të tmerrshme”./m.j
