Sali Berisha ka publikuar si denoncim, përdhunimin e një 6-vjeçareje.
Ai thotë se përdhunuesi është kushëri i Artur Bushit dhe policia e ka fshehur ngjarjen.
Por kjo e fundit në një reagim publik, thotë se personi në fjalë është arrestuar dhe njoftimi është në buletinin e Policië së Shtetit.
Policia, ndryshe nga Berisha, thotë se nuk ka dhënë më tepër detaje për ngjarjen, për të mbrojtur fëmijën.
“Në lidhje me një lajm të publikuar në media, me pretendimin se Komisariati i Policisë Krujë ka fshehur ngjarjen ju sqarojmë se:
Rasti që është trajtuar në media që bën fjalë për një shtetas, i cili dyshohet se ka kryer marrëdhënie seksuale me një të mitur, ju informojmë se autori i dyshuar shtetasi D.T, është arrestuar.
Policia nuk e ka fshehur si ngjarje, e ka publikuar si lajm në faqen zyrtare të Policisë së Shtetit pa dhënë më tepër detaje, me qëllim për të ruajtur dhe mos cënuar të drejtat e fëmijës.
Neni përkatës tregon edhe veprën penale që dyshohet se ka kryer shtetasi i arrestuar.
Vijojnë hetimet dhe pritet akti i ekspertit mjeko-ligjor në zbardhjen e plotë të saj”, thuhet në reagimin e policisë.
a.ç
