Është rikthyer sërish në vëmendje ngjarja e rëndë e zbuluar pak ditë më parë në Kosovë ku një 11-vjeçare u përdhunua fillimisht nga 5 persona për 7 orë.
Pas hetimeve autoritetet kosovare kanë dalë në përfundimin se e mitura ishte përdhunuar nga 11 persona të cilëve aktualisht u është hequr liria dhe janë nën hetim për akuzën e rëndë të përdhunimit.
I ftuar ditën e sotme në “Shqipëria Live” ka qenë avokati Besnik Berisha, i cili është shprehur se e mitura ishte përdhunuar nga më shumë se 11 persona dhe se pak kohë më parë kishte rënë viktimë e trafikimit të qenieve njerëzore me qëllim prostitucionin e saj.
“Absolutisht që bëhet fjalë për më shumë se 11 persona. Nuk dua të terrorizoj të tjerët kur dëgjohen shifra dhe keqpërdorim i tyre. Vajza i është nënshtruar me djenin e saj, sepse aq ka djeni ajo dhe aq di lidhur me këtë çështje. Vajza dyshohet se është keqpërdorur seksualisht nga më shumë se 11 persona qe janë pas hekurave.”- është shprehur avokati Besnik Berisha.
/e.d
