Fansua Alushi 20 vjeç me banim në kryeqytet, kërkohej nga autoritetet pasi Gjykata e Apelit të Tiranës kishte caktuar ndaj tij masën e sigurisë të “arrestit me burg” për veprën penale “Marrëdhënie seksuale me dhunë me të rritura”. Kjo masë sigurie është dhënë në mungesë ndaj të riut, në datën 7 mars të këtij viti.
Ndërkohë, po gjatë ditës së djeshme gjatë kontrolleve për të goditur paligjshmëritë, policia ndaloi edhe një 22 vjeçar të shpallur në kërkim për veprën penale “prodhimi dhe shitja e narkotikëve”. Edhe ndaj Muhamet Gjeldiut, 22 vjeç, Gjykata e Apelit kishte vendosur masën arrest me burg, më datë 8 mars.
“Policia e Tiranës do të vijoj punën me intensitet të lartë për parandalimin dhe goditjen e paligjshmërisë me qëllim rritjen e parametrave të sigurisë në territorin që mbulon”, thuhet në një njoftim zyrtar të Policisë së Tiranës.
ma.me
