Është përcjellë për në banesën e fundit pasditen e kësaj të hëne ish-kryeministri dhe deputeti i Partisë Socialiste Bashkim Fino.
Familjarë, të afërm, miq e kolegë i dhanë sot lamtumirën Bashkim Finos, në nder të të cilit u zhvilluan homazhe në Pallatin e Kongreseve.
Gjatë ditës së sotme, për homazhe në Pallatin e Kongreseve kanë qenë prezent kryeministri Edi Rama dhe bashkëshortja Linda, kryedemokrati Lulzim Basha me bashkëshorten, ambasadorja amerikane Yuri Kim, e shumë të tjerë.
Sjellim në vëmendje që kryeministri Edi Rama e shpalli 29 marsin ditë zie kombëtare dhe partitë politike ndalën fushatën elektorale./ b.h
