Në prag të analizës së zgjedhjeve të 21 qershorit, janë ashpërsuar debatet e brendshme në PD, mbi përgjegjësit e humbjes së thellë. Kryetari i Partisë Demokratike në Gjirokastër, Roland Bejko është shprehur dje se, 6 ish-ministra dhe zyrtarë të tjerë të lartë të qeverisë “Berisha”, të paktën në zgjedhjet e fundit vendore kanë punuar kundër Partisë Demokratike.
Përmes një reagimi në rrjetet sociale, ai shkon edhe më tej kur thotë se një ish-ministër demokrat, ka kontribuuar financiarisht për fushatën zgjedhore të koalicionit të majtë të PS, në Tiranë.
“Të dashur miq, Deri tani kisha dijeni se 5 (pesë) persona nga ata që hynë në qeverisjen e 2005 -ës si ministra e drejtorë me xhaketa doku apo “Versace” Kine, e dolën prej tij me pasuri të çmendur, nuk e kishin votuar PD në zgjedhjet e fundit lokale! Po sapo ma konfirmoi vetë edhe i 6 ( gjashti) se jo vetëm nuk e kish votuar Kosovën e PD – në, por edhe kish dhënë goxha shumë për “Rilindjen” ! Të mendosh sa vuajtëm për të mbledhur ca qindarka për fushatë ! Përpara për analizën e shtatorit”, shkruan Bejko.
