Një anije amerikane po lundron në ujërat shqiptare ditët e fundit. Bëhet fjalë për distrojerin ‘Jason Dunham’, një nga anijet luftarake më të rëndësishme të ushtrisë amerikane.
Ajo ka kushtuar rreth 2 miliardë dollarë dhe po qëndron në Durrës në kuadër të 100-vjetorit të bashkëpunimit Shqipëri-Amerikë.
Në bord ajo mban edhe dy helikopterë ‘sea hawk’ dhe gomone operacionale.
“Qëllimi ynë është të tregojmë devotshmërinë për NATO-n dhe mbrojtjen kolektive. Ky mision nuk ka ndryshuar aspak, me gjithë shpërthimin e krizës në Ukrainë. Ne vazhdojmë të punojmë me aleatët në rajon për të demonstruar përkushtimin tonë për aleancën veriatlantike. Në gjithë stërvitjet ku marrim pjesë, kanë qenë të planifikuara kohe më parë pushtimit dhe agresionit rus në Ukraine”, tregon komandanti i anijes, Michael Kiser.
‘Jason Dunham’ apo 109-ta, është një anije luftarake e dedikuar për mbrojtje ajrore, ndër to dhe raketar ‘torpedo’.
“Në qendër është një sistem raketor i projektuar për të lëshuar predha të komanduara. Ka të instaluar edhe radar spiun 3 D. Ndërsa këtu shikoni sistemin tjetër të lëshimit, i aftë të lëshojë disa raketa njëkohësisht”, thotë Rob Keller, kapiten.
Komandanti Kiser dhe Kapiteni Keller pranuan flamurin shqiptar si dhuratë nga grupi i gazetarëve shqiptarë.
