Për UÇK-në, kush voton Specialen është “tradhtar i kombit”
Ata që e duan UÇK-në mund ta provojnë veten tani ose më saktë nesër. Kryetari i OVL-së të UÇK-së, Xhavit Jashari ka thënë se ata që e votojnë Specialen janë “tradhëtarë të kombit”. Por, përndryshe, ai thotë se ata janë më të qetë sepse kanë besim te deputetët të cilët votuan kundër krijimit të kësaj gjykate, raporton KTV. Sipas Jasharit, nëse të hënën kalojnë këto ndryshime kushtetuese në Kuvend, atëherë ata si përfaqësues të ushtareve të UÇK-së do marrin masa radikale.
Jashari përsërit edhe njëherë se nuk duhet të votohet kjo gjykatë nga deputetët, sidomos atyre që kanë marrë besimin e tyre në zgjedhjet e fundit, sepse në të kundërtën, sipas tij, ata do jenë “tradhtarët e kombit”.
