“Që nga dita që deklaroi kandidaturën e tij 15 muaj më parë, deri në debatin e parë presidencial të kësaj jave, Trump ka dëshmuar në mënyrë të përsëritur se i mungon temperament, njohuria, qendrueshmëria dhe ndershmëria për të cilat Amerika ka nevojë që të kenë presidentët e saj”, thuhet në editorialin e gazetës “USA Today”.
Bordi i Editorialeve nuk arriti dot në një mendim unanim për të mbështetur Hillary Clinton si presidente, një pjesë vlerësojnë përvojën e saj si Zonjëe Parë, Senatore e SHBA-së dhe Sekretare e Shtetit si dhe njohuritë në shumë fusha. Por një pjesë tjetër dyshojnë se e shohin sikur e ka marrë të mirëqenë që i takon të fitojë, se nuk është e hapur me publikun dhe ka keqpërdorur materialet sekrete shtetërore.
Në fund, gazeta “USA Today” i fton lexuesit që në asnjë mënyrë të mos votojnë për Donald Trump. Në vend të tij, sipas ndërgjegjes, ata le të vendosin nëse do të votojnë për Hillary Clinton apo për një person të tretë.
“Çfarëdo që të bëni, mos iu dorëzoni këngës së sirenës që vjen nga një demagog i rrezikshëm. Votoni patjetër, por thjesht jo për Donald Trump”, mbyllet editoriali i gazetës së njohur amerikane.
ma.me
