Gazetarja Mira Kazhani, ka reaguar edhe njëherë sot në lidhje me akuzat që i janë bërë ditët e fundit për punësimin e saj në UKT. Në një reagim në Instagram, Kazhani i është përgjigjur një deklaratë të Blendi Fevziu, dhe shkruan se ai zotëron një vilë 5 milion Euro.
“Këto ditë pandemie me dy gjëra janë argëtuar shqiptarët: Rroga ime si punë e dytë shteti dhe vila 5 milionë euro e Fevziut ku ai poston në Istagram luksin e tij. Me rrogën time mund të shtysh muajin, por me miliardat e Fevziut gjithë jetën e tij në shërbim të pushtetit, politikanë e oligarkë, shqiptarët mund të shikojnë atë çfarë është vërtet korrupsioni në shtypin shqiptar.
Dhe të vjen neveri kur për rrogën time bëhet gjyq nga Fevziu, kurse për miliardat e Fevziut nga pushtetet bëhen emisione suksesi. Sa për mua, unë kam bërë vërtet një gabim, etik, për të cilin po mendohem mirë Blendi Fevziu”, shkruan gazetarja Mira Kazhani.
Më herët Fevziu në një intervistë në Syri Tv, u shpreh se është e papranueshme që gazetarët të punësohen në shtet.
Disa ditë më parë u publikua lajmi se gazetaretMira Kazhani dhe Bieta Sulo ishin të punësuara në UKT. Sulo ishte larguar para dy vitesh nga detyra, dhe se Elona Meço gjithashtu ka qënë e punësuar pranë OSHEE-së. Nuk mungoi edhe një reagim nga vetë Bieta Sulo, e cila u tha komentuesve se i përshëndet të gjithë. Ndërsa, Mira Kazhani deklaroi se gjithçka është bërë sipas rregullave dhe se sipas gazetares, nuk ka asgjë të keqe të bë dy punë, megjithatë disa ditë më parë dha dorëheqjen.
g.kosovari
