Në fund të 90 minutave, ose më mirë të 100 minutave lojë të mbrëmshme, Gjermania jashtëzakonisht emocionuese u eliminua nga Kupa e Botës. Një eliminim i zjarrtë, që është edhe i dyti radhazi në fazën e grupeve. E gjithë lëvizja duhet të kuptojë se çfarë nuk shkon.
Nuk mjaftoi ndryshimi i trajnerit për t’u rikthyer në krye. Sigurisht që pati pak fat të keq, por edhe Gjermania e pagoi shtrenjtë humbjen e Spanjës me Japoninë, që me një goditje mori kualifikimin dhe gjithashtu primatin në grup.
Flick mund të buzëqeshë, por nuk do ta bëjë tani, vetëm për repartin ofensiv që nga ndeshjet e ardhshme të marsit nuk do të ketë më Thomas Muller, i cili i dha lamtumirën kombëtares menjëherë pas ndeshjes kundër Kosta Rikës.
Gjermania jetoi ulje-ngritje dhe pas 10 minutash kaloi në epërsi përmes Gnabry. Goli pothuajse i njëkohshëm i Morata dukej se iu hapi rrugën e kualifikimit gjermanëve, të cilët megjithatë morën një “dush të ftohtë” në fillimin e pjesës së dytë, kur Japonia brenda gjashtë minutave shënoi dy gola kundër Spanjës, me Doan dhe Tanaka.
Nokauti i Spanjës nuk e lejon Gjermaninë të kalojë në raundin tjetër. Menjëherë pas ndeshjes, në një intervistë të nxehtë, Thomas Muller, një nga veteranët e kombëtares gjermane, kampion bote në vitin 2014 (autor i 10 golave në Botëror) tha: “Për ne është një katastrofë absolute”.
Më pas u pyet nëse kjo do të ishte ndeshja e tij e fundit për kombëtaren e Gjermanisë dhe ai u përgjigj duke konfirmuar lamtumirën: “Po, kjo ishte ndeshja ime e fundit për Gjermaninë, do të doja të falenderoja të gjithë tifozët që më shoqëruan.
Ishte kënaqësi për mua të dashur njerëz, faleminderit shumë! Kemi pasur momente të pabesueshme. E lashë zemrën në fushë. Unë dhashë gjithçka. Herë ishin lot gëzimi, herë dhimbjeje. Gjithçka e kam bërë me dashuri”.
/a.r
