Ajo që është më me rëndësi për t’u bërë në luftën kundër lajmeve të rreme është të sigurohemi se a u përmbahemi vlerave demokratike në të cilat bazohet Aleanca për demokraci, sundimin e së drejtës, lirive individuale dhe lirisë së medias të cilat nuk duhet të jenë viktimë e propagandës, por duhet t’i sigurojnë faktet, theksoi sekretari i përgjithshëm i NATO-s, Jens Stoltenberg në përgjigjen e pyetjeve në konferencën e përbashkët me kryeministrin Zoran Zaev.
“Na nevojiten gazetarë të cilët do të besojnë në burimet e tyre, media të cilët do të kenë qëndrime të ndryshme për një temë të njëjtë dhe të cilat do të shkaktojnë debat të hapur”, ka thënë Stoltenberg.
“Duhet të përgjigjemi përmes mbrojtjes së rrjeteve tona, por një pjesë e reagimit është edhe përgjigjja ndaj informacioneve të rreme kur i shohim. Jam i bindur se përgjigjja më e mirë e lajmeve të rreme dhe propagandës është përhapja e fakteve dhe të vërtetës dhe në fund ato do të sundojnë’’, shtoi ai.
”Maqedonia e Veriut tregoi se është e gatshme të tejkalojë vështirësitë serioze dhe tani ka një demokraci më të fuqishme. Keni zbatuar zgjedhje të lira dhe korrekte, keni debat të hapur me gazetarët të cilët parashtrojnë pyetje më të vështira ashtu edhe siç duhet të bëjnë gazetarët në një shoqëri të hapur”, theksoi ai.
Kryeministri Zoran Zaev tha se vlerat e vërteta të NATO-s janë sundimi i të drejtës, liritë e përgjithshme dhe proceset demokratike mes të cilave edhe liria a medieve.
“Si shtet anëtar i ardhshëm i NATO-s do të adaptohemi me gjithë atë që paraqet përvojë pozitive nga partnerët tanë në Aleancë, por na duhet bashkëpunim me bashkësinë e medieve. Besoj se do ta kemi me të gjithë që bashkërisht të kontribuojmë të jemi shoqëri edhe më e mirë demokratike për të gjithë”, tha Zaev.
/a.rada
