Nga Mero Baze
Kryeminiitri Edi Rama, do të takohet të mërkurë me Kancelaren gjermane Angela Merkel në përpjekje për të siguruar ratifikimin e shpejtë të rekomandimit për hapjen e negociatave nga Gjermania, ndërkohë që konflikti I tij me deputetin gjerman të CSU Gunther Krichbaum, është duke u thelluar. Deputeti I cili njihet si aleat I fort I PD në Shqipëri dhe personalisht Bashës dhe Pollos, po përdoret si bllokues I negociatave nga opozita shqiptare, me shpresë se pesha e tij në vendimarrjen e CDU/CSU do të jetë vendimtare.
Kryeministri Edi Rama duhet ta tejkaloj këtë problem të lobimit politik kundër Shqipërisë, nga opozita shqiptare, ose duke ç’militarizuar gjuhën e debatit publik me të, ose duke u përballur personalisht me të për të ndarë deri ku ai ka argumentat e PD dhe sa ka argumente të tij kundër Shqipërisë.
Por rasti I Gunther Krichbaum, duhet të shërbej për ta qartësuar debatin kundër negociatave si në rafshin ndërkombëtar dhe në atë kombëtar si një betejë e Partisë Demokratike.
Në rafshin ndëkrombëtar fushata po shkon mirë dhe shumica e parlamenteve mund ta ratifikojnë rekomandimin brenda Qershorit. Nëse lobisti I PD në parlamentin gjerman ja del ta bllokoj votimin para Qershorit për shkak të PD, atëhere PD I duhet njohur “merita”, që arriti ti bllokoj negociatat edhe pse përpiqet ta fsheh si objektiv politik. Por e vërteta është se Gunther Krichbaum ka në tavolinë dosjen e PD dhe jo atë të Gjermanisë.
Ideja se lobistët e PD, mund të pengojnë në Gjermani mos ratifikimin e hapjes së negociatve, është aksioni më konkret i PD kundër negociatave. Rezulatati do të jetë I qartë nëse Shqipëria bllokohet vetëm nga lobistët e PD dhe nga forca të tjera të afërt me ta, që mund të formojnë një aleancë kundër Shqipërisë.
Ideja që pas përpjekjeve për bllokim qëndron PD në opozitë kuptohet lehtë brenda vendit, kur opinionistët e opozitës flasin në shtyp kundër hapjes së negociatave. Sulmet të lënë të kuptosh se opozita I shikon negocatat si favor politik për qeverinë. Pra në qendër të gjithë sulmeve kundër negociatave janë tezat politike të opozitës që reflektohen ose te lobistët e saj ndërkombëtarë, ose tek opinionistët e saj brenda vendit, disa prej të cilave si Lubonja për shembull, janë më të sinqert dhe shprehin shqetësim nga hapja e negociatave.
Ajo që ka zgjedhur të bëj deri tai Edi Rama kundër lobistëve ndërkombëtarë të PD, është që ti sulmoj ata përmes shtypit, me një gjuhë që i afrohet gjuhës së PD dhe traditës së saj kundër ndërkombëtarëve që mendon se I ka kundër, për ta zhvlerësuar pozicionin e tyre dhe për ti konsideruar lobistë të nxitur nga PD. Deri tek njehësimi më PD është e drejta e tyre, por fakti që duhen paraqitur dhe të këqinj se janë me PD, nuk është logjike dhe duhet shmangur. Fjala vjen Gunther Krichbaum zhvlerësohet më lehtë para Merkelit, kur I thua është burrë I mire, por I ka borxhe Bashës, se kur I thua që ka dhe vese, është pijanec, kurvar apo mik I Putinit, se këto nuk kanë lidhje me Shqipërinë.
Ai është njësoj si opinionistët brenda vendit, që vlejnë vetëm për të kuptuar çfarë mendon PD, por jo se shqetësojnë njeri. Dhe ajo që po bëjnë lobistët ndërkombëtarë të PD është që që po luftojnë Shqipërinë me dosjen e opozitës shqiptare dhe jo me dosjet e vendeve të tyre. (Tema)
