Debati mes kryeministrit Edi Rama dhe gjyqtarëve për çështjen e pagave vijon.
Në një tjetër deklaratë publike, shefi i qeverisë ka reaguar ndaj qëndrimeve të Shoqatës së Gjyqtarëve, duke theksuar se pagat e tyre janë ndër më të lartat në rajon dhe të krahasueshme me vendet e BE-së. Kryeministri ka kundërshtuar rritjen e tyre përmes vendimeve gjyqësore, duke vënë në pikëpyetje bazën kushtetuese të kërkesës. Ai ka kritikuar ashpër edhe gjuhën publike të përdorur nga përfaqësuesit e pushtetit gjyqësor.
Rama: Pagat tuaja janë paga më të larta se në rajon, se në Maqedoninë e Veriut, Mal të Zi. Janë paga të barabarta me një vend të BE, siç është Greqia. Ju doni t’i rrisni me 2-3 mijë euro në muaj. Në emër të çfarë? Nuk ka Kushtetutë që ja u jep ju këtë të drejtë. Kur ju thoni ‘nuk mund të heshtim përballë përbaltjes kryeministrore’. Për cilën përbaltje e keni fjalën? Si guxoni të vendosni etiketime të tilla? Jeni përfaqësues të një pushteti që duhet të heshtë në publik dhe duhet të japë vendime në sallën e gjyqit. Ju duhet të garantoni barazi përpara ligjit të të gjithëve. Ju doni t’i rrisni pagat me gjyq. Nuk i takon gjykatësve të prononcohen publikisht me terma të tillë, duke përdorur etiketime të clat ju shkojnë partive më të vjetra dhe më të degraduara këtu në Shqipëri dhe jo një trupe gjyqësore e cila është mbështetur me të gjitha forcat, vullnetin dhe dëshirën e mirë nga kjo qeveri dhe kjo shumicë qeverisëse. Kurrë nuk e keni parë ju këtë pavarësi.avarësi.
