Gazetari Artan Hoxha tha sonte se kanë nisur dy hetime sa i përket temës së nxehtë të kësaj jave, asaj të vëllait të ministrit të Brendshëm.
Sipas Hoxhës, Prokuroria e Tiranës dhe ajo e Krimeve të Rënda po zhvillojnë dy hetime.
“Ka dy hetime! E para, nga Prokuroria e Tiranës që është nisur për shkak të denoncimit nga ana e Agron Xhafajt. Dhe një tjetër nga Krimet e Rënda. Pra ka dy procedime. Pritet të ngrihet një grup specialistësh për t’i bashkuar në një hetim të vjetër dhe unë besoj se do t’i kalojë Prokurorisë së Krimeve të Rënda” – tha gazetari.
***
Dy procedime janë regjistruar për çështjen e bujshme të ditëve të fundit, përgjimin e vëllait të Fatmir Xhafajt, të pretenduar.
Një procedim është regjisturar në Prokurorinë e Tiranës mbi bazën e kallëzimit të Geron (Agron) Xhafajt, që pretendon se përgjimi është sajesë dhe denoncon tre politikanët e PD-së.
Si dhe te Krimet e Rënda ku është regjistraur dëshmia e Albert Veliut, personit që pretendon se është në përgjimin e Agron Xhafajt.
Prokuroria e Përthishme deklaron se nga te dy Prokurorite po rakordohet per nje hetim te përbashkët, për bashkim procedimesh.
/b.d
