Nga Adrian Kerimi*
Turp për mediat në gjuhën maqedonase (pa anashkaluar asnjë prej tyre) të cilat gjatë gjithë këtyre ditëve të ankthit të datës për negociata, tentuan me çdo kusht që fajin për dështimin e mundshëm të Maqedonisë së Veriut t’ia faturojnë Shqipërisë.
Sa për informacion:
Shqipëria nuk ka asnjë çështje të hapur me fqinjët, aq me pak historike ose kulturore.
Shqipëria pastroi strukturat e korruptuara dhe të inkriminuara në organet gjyqësore.
Shqipëria zbatoi “vettingun” shembullor për rajonin dhe më gjerë.
Nga Shqipëria nuk u arratis pothuajse asnjë i akuzuar për krime.
Shqipëria nuk ka amnistuar asnjë terrorist.
Administrata në Shqipëri arrin rekord për shërbime me standarde europiane dhe nuk ka trupë administrativ që paguhen pa bërë punë.
Shqipëria nuk heziton të bëjë regjistrimin e popullsisë.
Shqipëria nuk ka rritur rrogën minimale në kurriz të investimeve kapitale.
Gjëja e vetme që i bashkon Maqedoninë e Veriut me Shqipërinë janë emigracioni i lartë.
*Gazetar i Alsat në Maqedoni
