Nga Mero Baze
Shumë mbështetës të njohur të Berishës madje dhe militantë të tij kanë nisur të flasin për nevojën që Berisha të bëhet një farë kryetar nderi I partisë dhe opozita të riorganizohet.
Shumë prej tyre e thonë me naivitet pasi mendojnë se kjo është një gjë e mirë që duhet bërë. Disa e thonë me cinizëm, pasi nuk duan ta sulmojnë hapur dhe gjejnë një mënyrë ti ngrenë nervat . Por e përbashkëta e këtij debate tinëzak mbi Berishën, është që me atë kryetar nuk fitojnë dot, dhe kanë shpresë që ai do ti mirëkuptoj.
Problemi që kanë këta njerëz, dhe këtu e kam fjalën fillimisht tek ata që besojnë vërtet që po I shtinë në mendje Berishës një gjë të mirë, është se ata akoma nuk e kuptojnë që Berisha e di më mirë se ata se çfarë është e mirë për opozitën, por nuk është I interesuar për të.
Për opozitën është natyrisht shumë mirë që Berisha të tërhiqet e të shkoj në shtëpi, dhe ajo të riorganizohet. Por ky nuk është ndonjë opsion që do shumë punë të vrasësh mendje ta gjesh. Ky opsion ka ekzistuar formalisht para shpalljes “non grata”.
Berisha nuk është kthyer në parti të fitoj pushtetin, por të mbaj peng opozitën për hallin e tij.
Problemi që ka opozita me të, nuk është se ai nuk e di se I prish punë opozitës. Problem është se ai e di shumë mirë që I prish punë opozitës dhe ndaj është I vendosur ta mbaj peng at. Ai është një pengmarrës që mendon se mund të shpëtoj duke mbajt peng opozitën. Dhe ky nuk është keqkuptim I tij. Kjo është bindja e tij.
Keqkuptim është kjo ideja e disa militantëve që ai të ik e të bëhet qytetarë nderi.
Pala tjetër po ashtu në opozitë që e di shumë mirë këtë që kam shkruar por që thotë se opozita duhet ribërë me emra të ri e figura të reja dhe Berisha le të rrije kryetar nderi I saj, natyrisht që është pjesa cinike e opozitës që është duke I thënë Sali Berishës të iki se nuk e ndjekin më pas.
Dhe kjo vlen dhe për Berishën dhe për Metën.
Përfaqësues tipik I kësaj pjese të opozitës është zoti Manjani, I cili në të vërtet e thotë këtë të pastroj shpirtin se e di që as Meta e as Berisha nuk ikin, por ai thjesht duhet ta thotë, se në fat dhe e dëshiron atue gjë.
Ai ndryshe nga të tjerët e di që Berisha nuk ikën, Meta nuk ikën, dhe mbi të gjitha sikur të ndodhte mrekullia të ikte, ai vetëm kryetar nderi nuk mund të bëhej.
Ai e di se Berisha o do opozitën ose për vete, ose të shkrihet. Atij nuk I hyn në punë një opozitë e re me mendësi të re, dhe emra të rinj, se ajo do të jetë një opozitë e cila jo kryetar nderi, por do përballet me Berishën si monument turpi opozitarizmi.
Sali Berisha më lehtë pranon të mbaj në pushtet Edi Ramën sa të jetë gjallë, duke qëndruar vet në krye të opozitës, se sa të vijnë ca djem e vajza të reja, të ringrejnë opozitën , të bëjnë historinë e tyre të re politike pa Berishën dhe të fitojnë pa të.
Këtë gjë ai e urren 100 herë më tepër se pushteti I Edi Ramës. Ndaj mos ja prishni gjakun dhe kur ja thoni me sinqeritet dhe aq më keq kur bëheni cinik me të dhe ja kërkoni si të vetvritet.
